കണിച്ചാർ - 5 വർഷം മുൻപ് പഞ്ചായത്ത് തെരഞ്ഞെടുപ്പിൽ ഭരണം നഷ്ടപ്പെട്ടതിനൊപ്പം സിപിഎം പിടിച്ചെടുത്തു കൊണ്ടുപോയ കുടുംബശ്രീ ഭരണവും കോൺഗ്രസ് തിരിച്ചുപിടിച്ചു. കോൺഗ്രസിലെ തർക്കങ്ങൾ മുതലാക്കിയും രാഷ്ട്രീയ നീക്കങ്ങൾ നടത്തിയും സിപിഎം നിയന്ത്രണത്തിലാക്കിയ കണിച്ചാർ പഞ്ചായത്തിലെ കുടുംബശ്രീ - സിഡിഎസ് ഭരണമാണ് തിരഞ്ഞെടുപ്പിലൂടെ കോൺഗ്രസ് പിടിച്ചെടുത്തത്. തിരഞ്ഞെടുപ്പിൽ, 14 ൽ 12 മെമ്പർ സ്ഥാനങ്ങൾ നേടിയാണ് കോൺഗ്രസ് തിരിച്ചു വന്നത്.
കണിച്ചാർ പഞ്ചായത്ത് ഇത്തവണ സംവരണമായിരുന്നു.
സിഡിഎസ് ചെയർപേഴ്സനായി ഒൻപതാം വാർഡിൽനിന്നുള്ള വി.കെ. ശ്രീകലയും വൈസ് ചെയർപേഴ്സനായി പന്ത്രണ്ടാം വാർഡിൽനിന്നുള്ള സുനി ജെസ്റ്റിനും എതിരില്ലാതെ തിരഞ്ഞെടുക്കപ്പെട്ടു.
എഡിഎസിൽ നിന്നുള്ള 11 വീതം അംഗങ്ങളിൽ നിന്നായി നടന്ന തിരഞ്ഞെടുപ്പിൽ 11 വാർഡുകളിൽ എതിരില്ലാതെ മെമ്പർമാർ തിരഞ്ഞെടുക്കപ്പെട്ടു. ഇതിൽ പത്ത് എണ്ണം കോൺഗ്രസും ഒരെണ്ണം സിപിഎമ്മും നേടി. തിരഞ്ഞെടുപ്പ് നടന്ന മൂന്ന് വാർഡുകളിൽ രണ്ടും നേടിയാണ് കോൺഗ്രസ് പതിനാലിൽ 12 വാർഡുകൾ നേടിയത്.
മണ്ഡലം പ്രസിഡന്റ് ചാക്കോ തൈക്കുന്നേലിൻ്റെ നേതൃത്വത്തിൽ കോൺഗ്രസ് നടത്തിയ നീക്കങ്ങളെ തുടർന്നാണ് 5 വർഷം മുൻപ് മാത്രം നഷ്ടപ്പെട്ട കുടുംബശ്രീ നേതൃത്വം തിരികെ നേടിയത്..
Congress wins back Kudumbashree CDS in Kanichar. Congress wins 12 out of 14 seats.
